Министерот за економија Ваљон Сарачини заедно со градоначалникот на општина Дебар, Ружди Љата денеска ќе ја посетат фабриката која во близина на селото Гари ја гради хрватската компанија Мали Лошињ со седиште во Скопје.
Сарачини и Љата, како што информираат од Министерството, ќе извршат надзор на текот на реализацијата на новата инвестиција вредна шест милиони евра, за која се најавени 70 нови вработувања, од страна на хрватскиот инвеститор, кој досега има инвестирано 1,5 милиони евра и се ангажирани 15 работници.
