Македонија го зголеми за четири пати извозот на грозје на рускиот пазар, заземајќи го 14. место меѓу земјите од кои Русија увезува грозје, објавува бизнис порталот Росинвест.
Минатата година од Македонија во Русија се извезени 1.422 тони трпезно грозје, во вредност од 871 илјади евра. Од оваа количина повеќе од половина или 60 отсто се извезени само во октомври.
Претходно Македонија го заземаше 17. место на листата на земји од кои Русија увезува грозје.
Минатата година вкупната размена со Русија изнесуваше 393,5 милиони долари, од кои увоз е 360,3, а извозот 33,14 милиони долари.
