Американката Серена Вилјамс е тенисерката со најмногу победи во поединечна конкуренција на Грен слемот Австралија Опен, откако денеска ја совлада Даниела Хантукова (Словачка) со 2:0 – по сетови 6:3 и 6:3 и се пласира во осминафиналната фаза.
За Вилијамс ова беше 61. победа во 16-годишното учество на овој престижен тениски турнир.
До денес рекордот го држеше Маргарет Корт со 60 победи.
Противничка на американската тенисерка во осминафиналето ќе биде подобрата од мечот Саманта Стосур (Австралија) – Ана Ивановиќ (Србија) кој е во тек.
