Претседателот на Реал Мадрид Флорентино Перез сака легендата на шпанскиот клуб Раул Гонзалес да се врати во клубот.
Според информациите на шпанските медиуми Перез ја искористил посетата на Реал Мадрид во Катар за да разговара со Раул. Перез му понудил конкретна позиција во клубот на Раул.
За сега точната позиција не се прецизира, но по една година Раул можеби ќе добие место и во тренерскиот штаб на „кралевите“.
Раул, кој во моментов настапува за катарскиот Ал Сад, играше на „Бернабеу“ од 1994-та до 2010-та година. Тој потоа замина во Шалке 04 од каде се пресели во Ал Сад.
