Раководството на Бешикташ сака да ги изарадува навивачите на тимот со скап новогодишен подарок.
„Црните орли“ се во напредни преговори со агентите на суперѕвездата Роналдињо и според печатот во Турција уште на 1-ви јануари трансферот може да стане реалност. Од Бешикташ се подготвени да дадат 7 милиони евра, а со тоа во својот состав да го имаат светскиот шампион од 2002-та година.
Истанбулскиот гигант веќе имаше два неуспешни обиди да го привлече бразилскиот волшебник, но овој пат шансите да се дојде до договор се огромни. Во моментов, Роналдињо е фудбалер на Атлетико Минеиро со кој пред неколку дена дојде до третото место на светското клубско првенство.
Во својата кариера Роналдињо настапуваше за екипите на Гремио, ПСЖ, Барселона, Милан и Фламенго.
