Застрашувачки податоци. На годишно ниво расте бројот на убиства во Македонија. Официјалните податгоци на Државниот завод за статистика покажува дека во 2025 година бројот на умрените лица од насилна смрт е зголемен за 6.8 % во однос на претходната година и изнесува 546 умрени лица.
Умрените од насилна смрт во вкупниот морталитет учествуваат со 2.7 %. Во структурата на умрените од насилна смрт според полот, како и во претходните години, и во 2025 година поголемо учество имаат машките лица, и тоа 68.5 %.
Податоците на државните статистичари покажуваат дека во вкупниот број случаи на насилна смрт, најголемо учество имаат несреќните случаи, кои учествуваат со 82.2 %, самоубиствата со 14.8 % и убиствата со 2.9 %.
„Во категоријата несреќни случаи, најголемо учество имаат умрените лица од други надворешни причини за случајна повреда со учество од 43.4 % во вкупниот број случаи од насилна смрт. Во категоријата самоубиства, најголемо учество имаат случаите кај кои смртта настапила поради бесење, странгулација и суфокација со учество од 7.1 % во вкупниот број случаи од насилна смрт. Во категоријата убиства, случаите кај кои смртта настапила поради обид за нанесување телесна повреда со истрел од друго и од неозначено огнено оружје имаат најголемо учество со 1.5 % во вкупниот број случаи од насилна смрт“, се наведува во извештајот на ДЗС.
Податоците од извештајот покажуваат дека од 546 починати лица од насилна смрт 374 се мажи а 172 се жени. Најмногу од нив биле евидентирани како несречни случаи, 449 односно 449 случаи. Доколку се видат податоците за несреќите, животот го загубиле 310 мажи и 139 жени. Во текот на 2025 година се случиле 81 самоубиство, односно животот сами си го одземале 55 мажи и 26 жени. Во категоријата убиства се регистрирани 16 во текот на целата ланска година, а убиени биле 9 мажи и 7 жени.
И.П
