„SpaceX“ соопшти дека склучил формален договор за купување на стартапот за програмирање со вештачка интелигенција „Cursor“ за 60 милијарди долари во акции. Договорот беше широко очекуван, објави „CNBC“.
Објавата доаѓа само неколку дена откако ракетната компанија на Илон Маск дебитираше на „Nasdaq“ во најголемата почетна јавна понуда во историјата.
„Cursor“ создаде популарна алатка за програмирање со вештачка интелигенција која им помага на развивачите на софтвер да генерираат, уредуваат и прегледуваат код, а компанијата бележи силен раст од своето основање во 2022-ра година.
Во ноември, „Cursor“ објави дека надминала 1 милијарда долари годишен приход, според соопштението за медиумите од тоа време. Компанијата, исто така, е рангирана на 37-мо место на годишната листа на „CNBC Disruptor 50“ за 2026-та година.
60-те милијарди долари во обични акции од класа А што „SpaceX“ се согласи да ги плати за „Cursor“ претставуваат разредување од 3,4% во однос на проценката на воздухопловниот и технолошкиот конгломерат во времето на IPO.
Цената на акциите на „SpaceX“ порасна за околу 16% во вторник, накратко надминувајќи ги „Amazon“ и „Microsoft“ по пазарна капитализација и станувајќи четврта највредна компанија во САД.
