Животот е невозможен без функционален црн дроб, па затоа треба да внимаваме која храна може да му наштети.
Црниот дроб е орган што често го земаме здраво за готово. Додека здравјето на мозокот и цревата се популарни теми, за тоа како да го одржите вашиот црн дроб здрав не се зборува толку често. Можеби треба, со оглед на тоа што црниот дроб е најголемиот внатрешен орган, клучен за метаболизмот, детоксикацијата и имунитетот.
Познато е дека алкохолот го оштетува црниот дроб, но заканата доаѓа и од замастен црн дроб поврзан со метаболичка дисфункција (MASLD), состојба во која акумулацијата на масти може да доведе до воспаление. Една од причините може да бидат засладените пијалоци, па се поставува прашањето каков ефект имаат диеталните пијалоци врз црниот дроб.
Како обичните сокови влијаат на црниот дроб?
Редовното консумирање сокови со шеќер е лошо за црниот дроб.
„Од сите навики во исхраната за кои разговарам со пациентите, многумина го потценуваат влијанието што соковите го имаат врз црниот дроб. Луѓето размислуваат за дебелеење или кариес, а црниот дроб ретко им паѓа на памет црниот дроб. А треба!“, вели д-р Трета Пурохит, гастроентеролог и хепатолог..
„Соковите содржат сируп од пченка со висока содржина на фруктоза, кој го поттикнува акумулирањето на масти во црниот дроб и може да доведе до инсулинска резистенција“, објаснува д-р Неха Џакете, исто така гастроентеролог и хепатолог.
Д-р Пурохит додава дека ваквите пијалоци влијаат на телото поинаку од оние со други видови шеќер.
„Гликозата ја користат ткивата низ целото тело и е регулирана од инсулин. Фруктозата не е. Таа патува речиси директно до црниот дроб, кој голем дел од неа го претвора во масти. Со текот на времето, како што се акумулираат овие масти, црниот дроб станува воспален и може да се формира лузно ткиво. Она што започнува како замастен црн дроб може да напредува во посериозна болест, а истражувањата покажуваат дека ова може да се случи независно од зголемувањето на телесната тежина. Газираните пијалоци не само што придонесуваат за заболување на црниот дроб преку дополнителни калории, туку директно“, вели д-р Пурохит.
Д-р Пурохит посочува научни истражувања кои го потврдуваат ова. Една мета-анализа на повеќе од 35.000 луѓе покажа дека консумирањето помалку од еден газиран пијалок неделно е поврзано со 14% поголема веројатност за замастен црн дроб, додека седум или повеќе пијалоци неделно ја зголемуваат веројатноста за 53%. Друга студија покажа дека луѓето кои пиеле барем еден засладен со шеќер пијалок неделно имале повеќе од два и пол пати поголема веројатност да развијат замастен црн дроб.
Како диеталните пијалоци влијаат на црниот дроб?
Според хепатолозите, диеталните пијалоци не влијаат на црниот дроб толку негативно како оние со шеќер, но тоа не значи дека се безопасни. Лекарите објаснуваат дека врската помеѓу диеталните пијалоци и здравјето на црниот дроб е посложена. За разлика од обичните сокови, нема научни докази дека диеталните сокови директно предизвикуваат MASLD, но тие индиректно можат да предизвикаат штета.
Д-р Жакет вели дека научните истражувања покажуваат врска помеѓу редовното пиење диетални газирани пијалоци и зголемувањето на телесната тежина, веројатно затоа што вештачките засладувачи ја зголемуваат желбата за шеќер.
