Германски суд треба да одлучи во среда дали производителот на грицки Mondelez ги донел во заблуда потрошувачите со намалување на тежината на чоколадните плочки од 100 грама на 90 грама, а пакувањето го задржал речиси исто.
Се очекува регионалниот суд во Бремен да ја објави својата одлука три недели по рочиштето.
Тужбата ја поднесе агенцијата за заштита на потрошувачите од Хамбург, која го обвинува Mondelez за заблуда на клиентите, а се тврди дека намалената тежина е едвај забележлива, бидејќи новото чоколадо е само за еден милиметар потенко, додека дизајнот на пакувањето е речиси идентичен.
Доколку судот одлучи во корист на тужителот, тоа ќе биде уште еден случај на таканаречена “шринкфлација”, односно скриена форма на инфлација во која производителите ја одржуваат цената на производот, но ја намалуваат неговата големина, тежина или количина.
Станува збор за еден од најпознатите европски брендови на чоколадо.
Американскиот производител на грицки Mondelez, кој е сопственик на брендот и има свое седиште во Германија во северниот град Бремен, ги отфрла обвинувањата. Компанијата наведува дека тежината е јасно видлива на пакувањето.
