„CATL“ тврди дека направил голем пробив во развојот на батерии за електрични возила.
Новата батерија „Shenxing 3“ може да се полни од 10 до 98 проценти за само 6,5 минути, значително намалувајќи ја временската разлика во споредба со полнењето гориво во „класичните“ автомобили.
Уште поимпресивно е што оваа батерија постигнува брзина на полнење од 10C (екстремно брзо полнење на батеријата, при што се полни со брзина што е 10 пати поголема од нејзиниот номинален капацитет) и може да се полни од 10 до 80 проценти за само 3 минути и 44 секунди.
Дури и на екстремни температури од -30°C, полнењето од 20 до 98 проценти трае околу девет минути.
Компанијата исто така вели дека батеријата задржува повеќе од 90% од својот капацитет по 1.000 циклуси на полнење.
Покрај тоа, беше претставена батеријата „Qilin 3“, која овозможува опсег до 1.000 км со помала маса од конкурентските решенија, што има позитивно влијание врз ефикасноста и карактеристиките на возењето.
Уште поамбициозен е концептот на кондензирана батерија „Qilin“, кој би можел да овозможи опсег до 1.500 км кај седаните, или над 1.000 км кај големите SUV модели.
Исто така е важно овие батерии да не се само концепт – „CATL“ планира да ги имплементира во сериски возила во текот на следната година.
Компанијата, исто така, најавува почеток на масовно производство на натриум-јонски батерии до крајот на 2026-та година.
