Легендарниот „Chevrolet Camaro“ би можел да се врати на пазарот. Според новите информации објавени од „Motor1“, „General Motors“ подготвува нова генерација на спортскиот модел, кој треба да дели механичка основа со следниот „Cadillac CT5“.
Според извори блиски до добавувачите на „General Motors“ (GM), производството на новиот „Camaro“ и „CT5“ треба да започне на есен 2027-ма година, што практично значи дека моделот би можел да пристигне на пазарот како „Camaro“ за 2028-ма година.
Истата механичка платформа наводно ќе биде развиена и за нов седан „Buick“, што е интересно бидејќи овој бренд немал седан во понуда од 2020-та година.
„GM“ наводно планира да произведе помеѓу 60.000 и 70.000 примероци од „Camaro“ и „CT5“ на оваа платформа, што укажува дека бизнис планот за враќање на иконскиот автомобил сега е многу посериозен.
Потсетете се, шестата генерација „Camaro“ беше прекината во 2023-та година, без директен наследник. Во 2025-та година, беше објавено дека „GM“ го отфрлил претходниот предлог за седма генерација поради лоша исплатливост.
Сепак, сега се чини дека е пронајдено одржливо решение, со технологија и механика што се делат со идниот модел „CT5“, исто како што беше случај и претходно.
