Обилните врнежи од дожд го зголемија уделот на хидроенергијата во енергетскиот микс на Турција на 40% во март. Ова, исто така, помогна да се надмине шокот од зголемувањето на цената на природниот гас, пишува Ројтерс.
Уделот на гасните електрани падна на 8% во споредба со 20% во март 2025-тa година.
Минатиот месец, Турција, исто така, се потпираше на јаглен за да ги покрие своите потреби за електрична енергија.
Севкупно, Турција има 32 гигавати инсталиран хидроенергетски капацитет, или околу 26% од капацитетот за производство на електрична енергија во земјата, но само околу две третини од него можат да работат преку целата година. Според податоците од енергетскиот регулатор на земјата, зголемувањето на работата на хидроелектраните за 1 процентен поен би заштедило околу 300 милиони долари годишно за купување енергетски ресурси.
Во 2025-та година, Турција плати 62 милијарди долари за увоз на природен гас, една од најголемите ставки во трошоците за енергија. Хидроелектраните произведоа 16% од електричната енергија потрошена во Турција минатата година. Сепак, 2025-та година беше една од најсушните години во последните години.
