Сакате рамен стомак без строги диети и гладување? Според фитнес тренерите, клучот не е во драстични ограничувања, туку во правилен избор на храна.
Фитнес инструкторката Џена Рико открива дека две групи намирници имаат моќ значително да го забрзаат согорувањето на мастите – протеините и ферментираната храна.
Протеините се основа за секој што сака да ослабе. Тие го забрзуваат метаболизмот, го намалуваат апетитот и помагаат подолго да се чувствувате сити. Освен тоа, играат важна улога во градењето мускулна маса, што дополнително помага во согорувањето на калории.
Во оваа група спаѓаат белото месо, рибата, јајцата, мешунките и млечните производи. Според Рико, идеално е да се внесуваат околу 30 грама протеини по оброк, а помали количини и во текот на ужините, за да се одржи стабилно ниво на енергија во текот на денот.
Но, не е сè во протеините. Втората клучна група се ферментираните намирници, богати со пробиотици – „добрите“ бактерии кои го подобруваат варењето.
„Ферментираната храна е вашето тајно оружје против надуеност. Таа го смирува стомакот и помага природно да се намали обемот“, објаснува Рико.
Здравите црева значат подобра апсорпција на хранливи материи и побрз метаболизам, што директно влијае на намалување на телесната тежина.
Сепак, експертите предупредуваат дека резултатите нема да дојдат само со промена на исхраната. Физичката активност е неизбежен дел од процесот.
„Губењето тежина не значи гладување, туку рамнотежа – што јадеме и колку се движиме“, додава Рико.
Комбинацијата од правилна исхрана и редовно движење, велат тренерите, е најсигурниот пат до рамен стомак, без екстремни диети и без исцрпеност.
