„Meta“ ќе инвестира до 27 милијарди долари во следните пет години за пристап до најсовремената инфраструктура за вештачка интелигенција (ВИ) на давателот на услуги во облак, „Nebius“, бидејќи американската технолошка компанија ги зголемува инвестициите за да се натпреварува со водечките модели на вештачка интелигенција во индустријата.
„Nebius“, кој управува со центри за податоци и има стратешко партнерство со „Nvidia“, ќе му обезбеди на „Meta“ наменски капацитет почнувајќи од почетокот на 2027-ма година, во вредност од 12 милијарди долари.
„Meta“, исто така, се обврза да купи дополнителен капацитет во вредност од 15 милијарди долари што давателот на услуги во облак, со седиште во Холандија, го гради за клиенти од трети страни.
Инвестицијата претставува еден од најголемите поединечни договори што некогаш ги потпишала „Meta“, нагласувајќи ја желбата на сопственикот на „Instagram“ и „Facebook“ за поголема компјутерска моќ за да го напојува развојот на производите за вештачка интелигенција.
Минатата година, компанијата потпиша посебен договор од 3 милијарди долари со „Nebius“.
Се очекува „Meta“ и некои од нејзините најголеми конкуренти да потрошат околу 650 милијарди долари до 2026-та година за изградба на центри за податоци и купување друга инфраструктура, додека ги прошируваат своите услуги поврзани со вештачката интелигенција во наредните години.
