„Ferrari“ го откри името на својот прв целосно електричен модел – „Luce“, што на италијански значи „светлина“.
Компанијата го претстави и ентериерот, развиен во соработка со дизајнерското студио „LoveFrom“, основано од поранешниот главен дизајнер на „Apple“, Џони Ив.
Кабината има минималистички дизајн со три екрани – дигитална инструмент табла, централен екран за инфозабава и контроли за задните патници.
Централниот екран може да се ротира кон возачот или патникот, додека клучните функции како што се режимите на возење, темпоматот и бришачите се достапни преку физички контроли на воланот.
Внатрешноста вклучува и стаклен клуч со екран „E-ink“, како и централна конзола со минималистички дизајн.
Според претходно објавените технички податоци, „Ferrari Luce“ ќе користи четири електрични мотори со вкупна моќност од 986 ks, ќе забрзува до 100 км/ч за околу 2,5 секунди и ќе достигнува максимална брзина од околу 310 км/ч.
Официјалното претставување на „Ferrari Luce“ е закажано за мај на специјален настан во Италија.
