Богатството на Илон Маск достигна рекордни 852 милијарди долари по спојувањето на компаниите SpaceX и xAI, што го прави првиот човек во историјата со капитал од над 800 милијарди долари.
Овој рекорд е постигнат благодарение на големата деловна трансакција. Вселенската компанија на Маск, SpaceX, ја купи xAI, компанија за вештачка интелигенција и социјални мрежи што е и негова сопственост, објави Форбс.
Здружената компанија сега е проценета на 1,25 трилиони долари. Оваа трансакција го зголеми богатството на Маск за 84 милијарди долари, на рекордни 852 милијарди долари. Само два месеци претходно, Маск беше првиот во светот што го премина прагот на богатство од 700 милијарди долари.
Самиот Маск претходно изјави дека еднаш платил толку висок износ на даноци што предизвикало пад на компјутерскиот систем на американската IRS. Во меѓувреме, организацијата Oxfam посочи на рекорден раст на богатството на милијардерите ширум светот.
