Годината за „Audi“ започнува со збогување со два од популарните модели на брендот кои никогаш не успеаја да станат особено успешни – „A1“ и „Q2“.
Најмалиот хечбек и SUV во гамата на производителот од Инголштат ја напуштаат сцената без да добијат наследници.
Последните неколку години не беа многу успешни за двата модели, па дури и тоа што се најевтини во гамата на „Audi“ немаше значително влијание врз продажбата. Така, тие се приклучуваат на моделите на брендот кои исчезнаа во последните 5 години.
„A1“ и „Q2“ се најновите додатоци на листата што започна со исчезнувањето на „A8“, на која постепено беа додадени купето и кабриолетот „A5“, двете купеа на иконскиот „A4“, како и „A7 Sportback“ и „Q8 e-tron“. Вкупниот број е 12, вклучувајќи го и легендарниот „TT“.
Германската компанија ќе продолжи да ги нуди двата модели во својот конфигуратор, бидејќи сè уште има доста од нив достапни за дилерите. Ова особено се однесува на „A1“, кој е на пазарот веќе 15 години и е во својата втора генерација. Малиот хечбек требаше да му помогне на „Audi“ да се етаблира во Б сегментот, но никогаш не успеа да го стори тоа.
Случајот со „Audi Q2“ е различен. Премиум брендот го искористи развојот на „Volkswagen T-Roc“ за да понуди полуксузна алтернатива, а исто така лансираше и спортска верзија на „SQ2“ со над 300 ks. Малиот SUV се појави во 2016-та година, а најуспешен беше следната – 2017-та година, во кој беа продадени над 81.000 единици.
Со прекинувањето на производството на двата автомобили, „Audi“ се враќа во време кога A3 повторно е основен модел во асортиманот на производи, барем додека не пристигне долгоочекуваниот „Audi Q2 e-tron“. Електричен автомобил со погон на предните тркала, провокативен дизајн и висок клиренс мора да ја освои еколошки свесната публика, соочувајќи се со „MINI Aceman“ во борбата за клиенти.
