Федералните резерви на САД (ФЕД) денес објави дека ја задржува референтната каматна стапка во опсег од 3,5 до 3,75 проценти.
Федералниот комитет за отворен пазар (FOMC), кој донесува одлуки за монетарната политика на ФЕД, одлучи да ги задржи каматните стапки на стабилно ниво, по три последователни намалувања од по 0,25 проценти, објави Ројтерс.
Овој исход беше очекуван и претставува пауза што пазарите очекуваат да трае дури и по последните состаноци во март и април под водство на сегашниот претседател на централната банка на Соединетите Американски Држави, Џером Пауел.
Се очекува неговиот наследник да ја преземе функцијата до летото, а креаторите на монетарната политика се поделени околу тоа дали се потребни понатамошни намалувања на трошоците за позајмување.
Најновите податоци покажуваат дека стапката на невработеност во САД падна на 4,4 проценти во декември и покрај слабиот раст на вработеноста.
Покрај тоа, економистите очекуваат инфлацијата, без трошоците за храна и енергија, да се зголеми на три проценти на годишна основа за месецот, што е далеку над целта на ФЕД од два проценти.
Според алатката Fedwatch на CME, податоците сугерираат дека може да има до две намалувања на каматните стапки во 2026 година.
Одлуката за монетарната политика на САД доаѓа во хаотично време за централната банка, објавува CNBC.
Претседателот Доналд Трамп минатата недела изјави дека можеби ја стеснил потрагата по нов претседател на ФЕД на еден кандидат.
Министерството за правда, исто така, го истражува Пауел, што потенцијално ја поткопува независноста на ФЕД.
