Фреквенцијата на мокрење може да биде индикатор за општата здравствена состојба, а оптималниот број на одења во тоалет во текот на денот зависи од неколку фактори, вклучувајќи ја и возраста.
Значајните отстапувања од вообичаеното може да укажуваат на одредени здравствени проблеми.
Зголемената потреба за мокрење може, на пример, да биде знак на зголемена простата, намален капацитет на мочниот меур, дијабетес или уринарна инфекција. Исто така, почестото мокрење е честа појава кај бремените жени.
Консултантот уролог Хамид Абуди објасни за Метро препорачаната фреквенција на мокрење за различни возрасни групи.
Деца до 12 години
Децата генерално мокријат почесто од возрасните – во просек шест до 12 пати на ден, а помладите деца имаат потреба од почесто. „Малите деца може да мокријат од 8 до 14 пати на ден, што се намалува на 6-12 пати кај постарите деца“, објасни д-р Абуди. Ако детето редовно мокри почесто од горенаведеното, тоа може да биде знак за здравствен проблем.
Тинејџери
За време на пубертетот, поради хормонални промени, бројот на дневни одења во тоалет обично се намалува на четири до шест пати. Сепак, д-р Абуди забележува дека не е невообичаено тинејџерите да мокрит почесто поради хормонални флуктуации. Тој истакнува дека во повеќето случаи „нема за што да се грижите и тоа ќе се реши природно“. Меѓутоа, ако состојбата продолжи, тоа може да укажува на проблем.
Возрасни до 60 години
Возрасните под 60 години мократ во просек пет до осум пати на ден. Д-р Абуди нагласува дека жените може да мократ почесто од мажите од две главни причини – бременост и зголемен ризик од уринарни инфекции.
„Бременоста може да биде причина“, рече д-р Абуди, „бидејќи притисокот на бебето врз матката може да предизвика зголемена фреквенција на мокрење и ноктурија (ноќно мокрење).“ Тој додаде дека уринарните инфекции „можат да доведат до зголемена фреквенција на мокрење“.
Лица над 60 години
На оваа возраст, потребата за мокрење може да стане почеста, понекогаш и до десет пати на ден. Причините вклучуваат слабеење на мускулите на карличниот под, намалена функција на бубрезите и релаксација на мускулите на мочниот меур.
Дополнителен фактор е поголемата веројатност за употреба на одредени лекови. „Постарите возрасни лица имаат поголема веројатност да користат лекови наречени диуретици за различни медицински состојби“, рече д-р Абуди.
