Венецуелскиот претседател Николас Мадуро е уапсен од елитната воена антитерористичка единица на САД, Делта Форс, изјавија официјални лица за Си-Би-Ес Њуз. Ова го потврди и американскиот претседател Доналд Трамп.
Американскиот претседател Доналд Трамп објави дека венецуелскиот претседател Николас Мадуро е „заробен“ заедно со неговата сопруга и е „префрлен надвор од земјата“.
Трамп го објави ова во соопштение на неговата социјална мрежа Truth Social..
„Соединетите Американски Држави успешно спроведоа голем државен удар против Венецуела и нејзиниот лидер, претседателот Николас Мадуро, кој беше заробен и изнесен од земјата заедно со неговата сопруга.
Како што објави Си-Би-Ес, Мадуро бил заробен од членови на елитната американска антитерористичка единица „Делта Форс“.
Делта Форс е единица за специјални операции од највисок ранг во рамките на вооружените сили на Соединетите Американски Држави. Таа е првенствено насочена кон антитерористички операции, поточно кон заробување или ликвидација на цели со висока вредност и уништување на терористички ќелии.
Сепак, оваа единица е исклучително разновидна, па затоа се користи во различни мисии како што се директна акција (упади, саботажи итн.), ослободување на заложници и специјално извидување.
Елитната единица „Делта“ е одговорна и за мисијата од 2019 година во која беше убиен поранешниот лидер на Исламска држава, Абу Бакр ал-Багдади.
Во меѓувреме, медиумите емитуваат бројни снимки од Каракас кои ги покажуваат последиците од американскиот напад врз Венецуела. Објавено е и видео на кое се гледаат сирени и тенкови како патролираат по улиците на Каракас, во близина на претседателската палата Мирафлорес, среде експлозии и напади.
Вицепретседателката на Венецуела, Делси Родригез, побара доказ дека претседателот Мадуро и Силија Флорес се живи.
„Нападот на САД врз Венецуела е подмолен и кукавички и претставува закана за мирот во целиот регион“, рече венецуелскиот министер за одбрана.
Како што истакна, Венецуела нема да подлегне на американските напади.
Да се потсетиме дека во Венецуела се појави паника откако експлозии одекнаа во главниот град. Наскоро, војската излезе на улиците на Венецуела, а претседателот на Колумбија рече: „Ова е аларм за целиот свет“.
Во Венецуела беше прогласена и вонредна состојба.
