Хакери од Северна Кореја хакери украле рекордни 2 милијарди долари криптовалути оваа година, што е голем скок во однос на 2024-та година, што ја истакнува растечката способност на земјата да извршува кражби од големи размери, објави „Bloomberg“.
Поголемиот дел од вкупниот износ доаѓа од најголемата дигитална кражба во историјата на криптовалутите во февруари, кога севернокорејските хакери украле 1,5 милијарди долари од берзата за криптовалути „Bybit“, според извештајот на фирмата за блокчејн аналитика „Chainalysis“. Инцидентот помогна да се зголемат проценетите крипто кражби во земјата на најмалку 6,75 милијарди долари од почетокот на евиденцијата, соопшти истражувачката група.
„Северна Кореја продолжува да претставува најзначајна закана за безбедноста на криптовалутите“, се вели во извештајот.
Кражбите на криптовалути се зголемија за повеќе од 50% во споредба со минатата година, покажа студијата. Тоа е најголемиот дел од проценетите 3,4 милијарди долари кражби што ги претрпе индустријата за криптовалути од јануари до почетокот на декември.
„Иако оваа година имаше помалку грабежи со висок профил од Северна Кореја, практиката на земјата да инфилтрира ИТ работници во крипто услугите за да добие привилегиран пристап му помага на Пјонгјанг“, велат истражувачите.
„Кражбата на криптовалути стана профитабилен механизам за финансирање за Северна Кореја. Како резултат на тоа, приходите од овие хакови го поддржуваат режимот и неговата програма за оружје за масовно уништување“, изјави Ендру Фиерман од „Chainalysis“ за „Bloomberg News“.
Од „Chainalysis“ велат дека масовниот прилив на украдени средства на почетокот на 2025-та година им дал на истражувачите невиден увид во тоа како севернокорејските хакери перат големи количини криптовалути. Тие користат софистицирани техники, вклучително и структурирање на „плаќања преку синџир во помали транши, што значи дека е помала веројатноста да бидат означени како сомнителни.
Минатиот месец, водечката јужнокорејска берза за криптовалути „Upbit“ соопшти дека била нападната од крадци кои украле дигитални средства во вредност од околу 30 милиони долари само еден ден откако компанијата го објави преземањето од „Naver Corp“. Корејските медиуми објавија дека севернокорејската хакерска група „Lazarus“ е осомничена за грабежот.
