Нова хибридна верзија на компактниот седан ќе се продава заедно со целосно електричен модел.
„Mercedes“ додаде нов член во семејството „CLA“, но овој е доста различен од другите. Не само што е новиот хибриден „CLA“, туку користи и мотор кој не доаѓа од „Mercedes“, туку доаѓа од Кина.
Да, вашиот следен германски автомобил би можел да има кинеско „срце“.
Новиот модел се нарекува „CLA 220“ хибрид и беше претставен оваа недела. Визуелно, тој останува многу близок до целосно електричните варијанти на „CLA“ што „Mercedes“ претходно ги претстави, но под хаубата се наоѓа 1,5-литарски четирицилиндричен турбо мотор со невообичаено висок однос на компресија од 12:1.
„Mercedes“ тврди дека го „развил“ овој нов мотор, но она што не го наведува експлицитно е дека е развиен во соработка со „Geely“, пишува „CarScoops“.
Според кинескиот портал „IThome“, моторот не само што е развиен со кинески влез, туку ќе биде произведен и во Кина, а потоа испратен во „Mercedes“ за инсталација.
И покрај релативно малата зафатнина, 1,5-литарската единица го користи циклусот на согорување Милер и е опремена со бројни решенија ориентирани кон ефикасност.
Блокот на моторот е направен целосно од алуминиум, а на ѕидовите на цилиндрите има посебен слој, што го намалува триењето и ја подобрува издржливоста.
„Mercedes“ посвети посебно внимание на намалувањето на бучавата, благодарение на дополнителната звучна изолација околу моторниот простор, како и во А-столбовите и подот на возилото.
Како се однесува при возење?
Моторот работи во комбинација со електричен мотор интегриран во осумстепен менувач со двојна спојка, како и 48-волтна литиум-јонска батерија со капацитет од 1,3 kWh.
За поголема ефикасност, „Mercedes“ вели дека „CLA 220“ може да работи исклучиво на електрична енергија при брзина до 100 km/h. Исто така, може да обнови до 25 kW енергија при сопирање.
Вкупно, хибридниот „CLA 220“ развива 211ks и 380 Nm вртежен момент.
„Mercedes“ вели дека забрзува до 100 km/h за 7,1 секунда и достигнува максимална брзина од 209 km/h. Возилото тежи 1.630 килограм.
Внатре, сите хибридни модели на „CLA 220“ стандардно доаѓаат со фиксен панорамски стаклен покрив.
Купувачите ќе можат да го изберат и „Mercedes-Benz Superscreen“, кој комбинира екран од 10,25 инчи, мултимедијален дисплеј од 14 инчи и екран од 14 инчи за совозачот на предното седиште.
Хибридниот модел „CLA 220“ добива и редизајниран волан. На прв поглед, изгледа исто како и другите модели на „CLA“ во понудата на „Mercedes“, но сега вклучува суптилни промени.
Повеќето од хаптичките допирни површини се задржани, но, како и кај најновиот електричен „GLC“, воведени се нов прекинувач за темпомат и физичко тркало за контрола на јачината на звукот, заменувајќи ги претходните контроли чувствителни на допир.
