Биткоинот денес забележа остар пад, паѓајќи за повеќе од 4% од околу 90.000 долари на дневен минимум од 86.172 долари. Ова ја продолжи нестабилноста на пазарот на криптовалути, кој во последните недели доживува силни флуктуации.
Да ве потсетиме дека минатата недела најпознатата криптовалута падна на најниско ниво од април, но набрзо следеше краткорочно закрепнување откако Федералните резерви објавија можност за дополнително намалување на каматните стапки. Сепак, овој раст не траеше долго – нова рунда продажба повторно ја турна цената кон нивото од 86.000 долари.
Биткоинот се тргуваше по 86.356,59 долари, што е пад од 4,44%, непосредно пред 23 часот по источно време, според податоците на пазарот. Етерот забележа уште поголем пад, тргувајќи се по 2.827,81 долари, што е загуба од 5,49 проценти.
