Во тртетото тромесечие од годинава се родиле за 3,7 отсто повеќе деца во однос на истиот период лани. Во исто време процентот на починати лица е намален за 0,5 отсто. Државните статистичари забележале дека во јули, август и септември се склучиле помалку бракови во однос на трите месеци во 2024 година и тоа за 2,8 отсто. Загрижува податокот кој вели дека во анализираниот период разводите бележат раст и тоа за цели 27,7 отсто.
Податоците на државникот завод за статистика покажува дека во третиот квартал од годинава се имало 4431 живородено бебе, а во истиот период лани биле родени 4271 бебе. Намален е бројот на мртвородени бебиња, ако лани во третиот квартал бројот на мртвородени бебиња изнесувал 21, во текот на летниот период годинава биле 17.
Статистика објави и дека бројот на починати лица во истиот период се намалил, односно трет квартал годинава 4849, а лани истиот период 4875 лица.
Намален е бројот на бракови во текот на летото односно во јули, август и септември се склучиле 3514 бракови за разлика од ланските три месеци кога се склјучиле 3615 брака. Во однос на разводите, тие бележат сериозен раст во анализираните три месеци, и тоа третиот квартал годинава 470 разводи наспроти 368 прекинати бракови.
„Во третото тримесечје од 2025 година, во споредба со истиот период од 2024 година, бројот на живородените деца изнесува 4 431 и е зголемен за 3.7 %. Бројот на умрените лица во третото тримесечје од 2025 година бележи намалување од 0.5 % во споредба со истото тримесечје од 2024 година и изнесува 4 849 лица, а од нив 20 се умрени доенчиња. Природниот прираст е негативен и изнесува -418 , што значи дека за толку лица е помал бројот на живородените деца од бројот на умрените лица. Во ова тримесечје од годината се склучени 3 514 бракови и нивниот број е намален за 2.8 % во споредба со истиот период од 2024 година, а регистрирани се 470 разведени бракови, што претставува зголемување од 27.7 % во споредба со истиот период од 2024 година“, стои во извештајот на Државниот завод за статистика.
Пред неколку месеци владата најави, а потоа се повлече од идејата за воведување на данок за немажени и неженети лица. Првичната цел беше да се стимулира формирањето на семејство кое би резултирало со зголемување на наталитетот. По лавинаната на реакции од јавноста и невладиниот сектор, власта се повлече од идеата.
И.П
