Во последно време кружат многу вести и гласини во врска со батеријата што ќе го напојува „Samsung Galaxy S26 Ultra“.
Некои од гласините тврдеа дека батеријата за „S26 Ultra“ ќе биде поголема од онаа на „Galaxy S25 Ultra“ (која беше 5.000 mAh), додека други информации тврдеа дека ќе остане иста.
Сега, новите протекувања од Кина сугерираат дека „Galaxy S26 Ultra“ ќе има малку поголема батерија.
Како што споменуваат изворите, „Samsung Galaxy S26 Ultra“ ќе има батерија од 5.200 mAh. Иако не е значајно подобрување, секако е чекор во вистинската насока, со оглед на тоа што претходните неколку „Ultra“ модели доаѓаа со батерии од 5.000 mAh.
Важно е да се напомене дека оваа гласина е во спротивност со сертификацијата во Кина од август, во која се вели дека „Galaxy S26 Ultra“ ќе има капацитет на батеријата од 4.855 mAh (што би го направило рекламираниот типичен капацитет 5.000 mAh).
Затоа, ќе мора да почекаме официјални информации од „Samsung“ за да го дознаеме точниот капацитет на батеријата.
Кога станува збор за брзината на полнење на батеријата, гласините сугерираат дека „Samsung Galaxy S26 Ultra“ ќе поддржува жично полнење од 60W и безжично полнење од 25W. „Galaxy S25 Ultra“ поддржува жично полнење од 45W и безжично полнење од 15W.
