„AUDI“ го претстави концептот на голем електричен „SUV“ на саемот Авто Гуангжу под името „AUDI E SUV concept“.
Со овој модел, кинескиот сестрински бренд, наменет исклучиво за тој пазар, го најавува својот втор производствен модел, кратко по неговото деби минатата година.
„AUDI“ е насочен кон клиенти кои очекуваат напредни електрични возила и силна интеграција со локалните дигитални услуги.
Проектот се развива во соработка со „SAIC“ и се потпира на заедничката платформа „ADP“ (Advanced Digitized Platform). Првиот модел, „AUDI E5 Sportback“, е во продажба од септември 2025-та година.
Концептот „AUDI E SUV“ припаѓа на класата на големи електрични „SUV“ возила во однос на димензиите: долг е 5.057 mm, широк 2.042 mm, висок 1.786 mm, со меѓуоскино растојание од 3.060 mm.
Два електрични мотори, по еден на секоја оска, испорачуваат вкупно 680 „коњи“ , што овозможува забрзување до 100 км/ч за околу пет секунди.
Моделот користи погон на сите тркала и ги задржува карактеристиките на кои „Audi“ ги навикна своите клиенти.
Капацитетот на батеријата од 109 kWh според кинескиот „CLTC“ циклус овозможува повеќе од 700 километри автономија. Благодарение на системот од 800 волти, околу 320 километри автономија може да се додадат за десет минути со брз полнач.
Системот „AUDI 360 Driving Assist“ е развиен со фокус на условите за возење во Кина. Тој нуди серија асистенции наменети за автопати, градски сообраќај и паркирање, во согласност со специфичните ситуации што се најчести во таа земја.
Концептот на тој начин дава увид во идните модели на овој кинески под-бренд, со јасен акцент на локалните потреби и електричната мобилност.
