Стопанствениците од Сојузот на стопанските комори во мисија на бизнис дипломатија. Тие веќе остварија средби со претставници од амбасадите на Швајцарија, Грција,Н.Р Кина, Израел и Н.Р Бангладеш.
Целта според комората е да се постигне проширување на економската соработка и генерирање свежи идеи за развој меѓу македонската бизнис-заедница и земјите-партнери. Според информациите од ССК ваквите средби се важни за продлабочување на дипломатско-економските врски и истражување на нови можности за соработка во повеќе сектори.
Преку ваквата дипломатска екониомија Стопанската комора има намера да ја прошири својата поширока мисија како и долгорочните програми и неодамнешните активности насочени кон зајакнување на конкурентноста на македонските компании и подобрување на целокупната деловна клима.
„Комората ја истакна својата континуирана поддршка за претпријатијата преку застапување, истражување на пазарот, настани за вмрежување и иницијативи кои промовираат иновации, дигитализација и интернационализација. Претставниците на амбасадите го препознаа ССКМ како суштински фасилитатор на дијалогот меѓу странските инвеститори и домашните бизниси, пофалувајќи ја неговата активна улога во градењето мостови со глобалната бизнис-заедница“, велат од ССКМ.
На средбата бизнисот со дипломатите дискутирале за идентификување на приоритетни области за соработка, вклучувајќи напредни технологии, решенија за обновлива енергија,земјоделство и производство на храна, развој на туризмот, подобрување на образованието и вештините и олеснување на трговијата.
Добро е тоа што сите страни ја нагласиле важноста на создавање платформи што им овозможуваат на компаниите да разменуваат знаење да формираат заеднички вложувања и да пристапуваат до нови пазари.
„Сојузот на стопански комори на Македонија изрази подготвеност да организира целни бизнис форуми, работилници специфични за секторот и Б2Б средби за поддршка на овие цели. Учесниците се согласија дека подлабоката соработка ќе придонесе за економска диверзификација, зголемени инвестициски текови и развој на иновативни проекти што можат да стимулираат раст на двете страни. Амбасадите ја потврдија својата подготвеност да поддржат заеднички иницијативи, да споделат експертиза и да помогнат во поврзувањето на македонските бизниси со партнери од нивните земји“, додаваат од комората.
Од Сојузот на стопански комори на Македонија велат дека ќе продолжат со заедничка посветеност за трансформирање на споделените идеи во практични чекори, интензивирање на комуникацијата и заедничко спроведување на проекти што ќе ги зајакнат регионалните и меѓународните економски врски. Напоменуваат дека ССКМ овозможува нови можности за развој и промовирајќи ја Македонија како привлечна дестинација за инвестиции и партнерство.
И.П
