Претседателот на Венецуела Николас Мадуро изјави дека ќе ги заостри контролите на цените и ќе го ограничи профитирањето на компаниите.
Најавените мерки се најновиот обид на претседателот Мадуро да ја запре растечката инфлација, која ја загрозува поддршката на неговата влада.
Мадуро, исто така, вети дека ќе ги зголеми инспекциите во продавниците кои продаваат облека, обувки, автомобили и останата роба, за да се увери дека продавачите не ставаат прекумерни маржи, пренесува агенцијата АП.
Венецуелската влада минатата недела ја презема контролата над ланецот продавници за апарати за домаќинство и ги преполови неговите цени.
Претседателот, исто така, наведе дека ќе воведе општ лимит на профитот, доколку добие дозвола од Конгресот.
