УЕФА го казни италијанскиот прволигаш Лацио со 140.000 евра, бидејќи неговите навивачи во натпреварите од Европската лига, упатувале расистички навреди кон играчите на Марибор и Тотенхем.
УЕФА, покрај паричната казна, го предупреди Лацио дека било каков сличен инцидент на следните натпревари, ќе резултира со празни трибини.
Навивачите на Лацио правеа нереди во Марибор и изразуваа расизам на трибините, за што добиа 50.000 евра парична казна, а на дуелот со Тотенхем покрај расистичките провокации можеа да се слушнат и антисемитски слогани, за овој дуел казната која му беше доделена на Лацио изнесува 90.000 евра.
