Профитот на „Bank of America“ (BofA) падна во вториот квартал бидејќи нејзиниот приход од камати од заемите се намалија и издвои повеќе средства за покривање на потенцијалните загуби од заемите.
Сепак, подобрата од очекуваната прогноза за нето каматниот приход за четвртиот квартал ја зголеми вредноста на акциите за 1% во претпазарното тргување.
„Силата и профитабилноста на нашиот водечки потрошувачки банкарски бизнис се надополнети со растот и профитабилноста на нашите глобални пазари, глобалното банкарство и бизнисите за управување со богатството“, рече извршниот директор Брајан Мојнихан.
Добивката на вториот по големина американски заемодавец беше 6,9 милијарди долари, или 83 центи по акција, во вториот квартал, кој заврши на 30-ти јуни, во споредба со 7,4 милијарди долари, или 88 центи по акција, една година порано, се вели во соопштението.
Банките плаќаат повеќе за депозити бидејќи каматните стапки се највисоки од 2007-ма година, зголемувајќи ги приносите на обврзниците, правејќи ги алтернативите како фондовите на пазарот на пари попривлечни.
Трошоците за спречување на одлив на депозити влијаат на профитот на банките од зголемените каматни плаќања што им ги наплатуваат на заемопримачите.
Нето каматниот приход на „BofA“ во вториот квартал падна за 3% на 13,7 милијарди долари. Резервациите за кредитни загуби изнесуваат вкупно 1,5 милијарди долари, што е повеќе од 1,1 милијарди долари една година порано.
Банката соопшти дека очекува нето каматниот приход во четвртиот квартал да биде 14,5 милијарди долари, над прогнозите на аналитичарите од 14,4 милијарди долари, според „LSEG“.
Повторното заживување на пазарите на капитал поттикнато од издржливоста на американската економија, која ги охрабри компаниите да собираат капитал со продажба на акции и издавање обврзници во последните месеци, ги зголемува провизиите на инвестициските банки за првичните јавни понуди.
Спојувањата и преземањата исто така земаат замав, зголемувајќи ги советодавните надоместоци на банките. Провизијата за инвестициско банкарство на „BofA“ скокна за 29% до 1,6 милијарди долари во кварталот. За споредба, меѓу конкурентите, надоместоците за инвестициско банкарство на „BofA“ се зголемија за 7% во вториот квартал од 2023-та година, додека „JPMorgan Chase“ објави пад.
