Раководството на Јувентус одлучи да не го обновува партнерството со американскиот концерн за спортска опрема „Најк“.
Медиумите во Италија пренесуваат дека „бјанконерите“ немаат намера да го продолжат договорот со оваа фирма, кој истекува во 2015-та година. Претставниците на клубот од Торино веќе преговараат со други потенцијални кандидати, кои ќе бидат технички спонзор на тимот во иднина.
Во информациите се вели дека на прво место меѓу варијантите се Германците од „Адидас“. Во Јувентус се убедени дека можат да потпишат спонзорски договор барем за 20 милиони евра годишно.
