Најдобрата македонска тенисерка, Лина Ѓорческа, оствари сигурен триумф во првото коло на ИТФ турнирот во Копер, Словенија. Таа беше подобра од Тимеа Тарушкова и победи со 2:0 во сетови.
Ѓорческа за само еден час и четири минути ја елиминира тенисерката од Словачка откако двата сета ги доби идентилно, со 6:2 во гемови.
Лина Ѓорческа не е меѓу носителките на турнирот и веќе во втората рунда може да се судри со првата фаворитка за трофејот, Клои Паке од Франција која е рангирана на 101. место на ВТА листата. Таа во првото коло игра со Буриљо Ескорихуела и ако ја оправда фаворитската улога ќе налета токму на Лина Ѓорческа.
