Манчестер јунајтед се подготвени да понудат рекордна сума за капитенот на Тотенхем, Хари Кејн. Напаѓачот се поврзува и со Манчестер сити, но медиумите тврдат дека Јунајтед имаат поголеми шанси да реализираат трансферот, доколку тој реши да го напушти Тотенхем.
Прва цел на Јунајтед, за нов водач на нападот, беше Ерлинг Халанд, меѓутоа Норвежанецот решил да избере помеѓу Манчестер сити и Реал Мадрид.
Поради тоа Јунајтед ќе се обидат со Кејн. Адут во преговорите може да им биде и Маурисио Покетино, за кого се тврди дека ќе биде новиот менаџер на Манчестер јунајтед.
Кејн има уште две години од договорот со Тотенхем, а самиот истакнал дека ужива во работата со Антонио Конте.
