Шпанскиот тенисер Рафаел Надал направи неверојатен пресврт во финалето на Австралија опен против Данило Медведев и ја освои рекордната, 21. грен слем титула во кариерата.
Надал стигна до вториот трофеј во Мелбурн откако се врати од негатива во два сета и триумфираше со 2:6, 6:7 (5:7), 6:4, 6:4, 7:5. Шпанецот со тоа стана нов рекордер по бројот на најголеми титули, бидејќи зад себе ги остави Новак Ѓоковиќ и Роџер Федерер со 20, а стана единствениот тенисер, веднаш до Новак, кој барем двапати ги освојувал сите Грен слем.
„Бикот од Мајорка“ уште еднаш потврди дека е најголемиот борец во светот на тенисот, а неговиот најнов подвиг доби дополнително значење бидејќи го постигна по шестмесечна пауза минатата сезона.
Надал во своето шесто финале на „Род Лејвер Арена“ стигна до вториот пехар, сега има најмалку по два на секој слем, но многу повеќе за него и за неговите фанови ќе значи што има еден повеќе од најголемите конкуренти Ѓоковиќ и Федерер(по 20).
Федерер е на подолг одмор поради повреда, а Ѓоковиќ не доби можност да го одбрани трофејот во Австралија бидејќи беше депортиран и пред него е голем знак прашалник поради тоа што не е вакциниран.
Рафа го преживеа дуелот со Медведев, кој траеше пет и пол часа, кој веќе беше препишан за рускиот играч, бидејќи по нешто повеќе од два часа на семафорот стоеше 0:2 во сетови.
Рускиот тенисер го реши првиот сет убедливо во своја корист 6:2 – се играше изедначено на 2:2, а потоа Медведев направи два последователни брејка и поведе во финалето.
Вториот сет го одбележаа брејкови на двете страни. Надал во два наврати дојде до пауза за предност, Медведев двапати го возвраќа ударот, па се влезе во тај-брејк. По голема борба, Русинот го доби 13-от натпревар со резултат 7:5, иако „бикот од Мајорка“ водеше со 5:3.
Во тие моменти се чинеше како Медведев да стави една рака на трофејот, но следеше одличен пресврт на шпанскиот тенисер.
Во третиот сет Надал спаси три брејк топки во петтиот гем, а во деветтиот му го одзеде сервисот на противникот. Надал не му дозволи на Медведев да се врати во игра и намали со 6:4 на 2:1 во сетови.
Шпанецот потсети на неговите најдобри игри во кариерата во тој период. Во четвртиот сет двапати му го одзеде сервисот на ривалот, благодарение на прецизни винери, додека Медведев се мачеше на теренот на „Род Лејвер Арена“.
Русинот успеа да врати еден брејк, но не и другиот, па Надал израмни на 6:4 во сетови 2:2.
Надал прв направи брејк во петтиот сет, во петтиот гем. Медведев се обиде да се врати во следниот, но благодарение на очајните враќања пропушти три брејк топки.
Кога се чинеше дека се е готово, Медведев се врати и со брејк израмни на 5:5. Сепак, Надал и во следниот гем му го одзеде сервисот на ривалот и со резултат 7:5 ја освои титулата во Мелбурн.
