Францускиот шампион ПСЖ испратил понуда до Барселона за Педро Родригез, информираат медиумите во Шпанија.
Според информациите кои пристигнуваат од Пиринејскиот полуостров „светците“ понудиле 40 милиони евра за крилото на Барса и шпанската репрезентација, но малку е веројатно дека „каталонците“ ќе се разделат со него.
Самиот фудбалер неодамна изјави дека е поласкан од фактот дека е посакуван од некои од европските гиганти, но во оваа фаза иднината му е поврзана со Барселона.
Во исто време ПСЖ јасно покажува дека до крајот на трансфер прозорецот има намера да се засили и да му доведе уште една ѕвезда на новиот тренер Лорен Блан.
