„Maserati“ се подготвува да го суспендира својот најприфатлив модел – седанот „Ghibli“, чија сегашна генерација се произведува од 2013-та година. Според „Automotive News“, 2022-ра година ќе биде последна во историјата на моделот, по што ќе биде пензиониран.
Тоа значи дека сегашната, трета генерација на „Ghibli“ ќе помине речиси 10 години на производната лента. Седанот нема да добие директен наследник, бидејќи ќе го отстапи местото на склопување на малиот теренец „Grecale“.
Во моментов, моделот е достапен во верзии со V8 и V6 (бензинец и дизел), како и со хибриден агрегат базиран на 2.0-литарски турбо мотор. Моќноста се движи од 275 до 580 ks, при што најмоќната верзија на „Trofeo“ со 3,8-литарски мотор стигнува до 100 km/h од место за 4,3 секунди. Преносот е заден или со погон на четири тркала, а менувачот – 8-степен „ZF“.
Историјата на „Ghibli“ претрпе неколку големи промени во својата историја. Првата генерација беше „Gran Tourer“ со V8 мотор, кој се произведуваше од 1967-ма до 1973-та година. Подоцна од 1992-ра до 1998-ма година, Италијанците под ова име продаваа купе со V6 со двоен турбополнач.
Што се однесува до кросоверот „Grecale“, кој ќе се наоѓа под „Levante“ во гамата на марката и ќе ја користи платформата со погон на четири тркала на „Alfa Romeo Stelvio“. Моделот ќе биде достапен со избор од 3 единици – хибрид како седанот „Ghibli“, 3.0-литарски V6 и целосно електричен. Неговата премиера е закажана за следната година.
