„Знаете ли што им е заедничко на Адријано 2004., Робињо 2007., Луис Суарез 2011., Алексис Санчез 2016. и Дани Алвес 2019 година? Сите тие ја освоиле Копа Америка, сите биле избрани за најдобри на турнирот. Ниту еден од нив не ја освоил Златната топка“, вака новинарот на „Марка“, Раул Варела, го започнува својот текст за вчерашното доделување на Златната топка.
Лионел Меси седми пат во кариерата ја доби наградата. Новинарите кои гласале за него, процениле дека игрите на Меси минатата сезона и освојувањето на Копа Америка се доволни за да го освои првото место пред Роберт Левандовски и Жоргињо.
„Европа се понижува. Откажете се од актуелниот поредок во светскиот фудбал, бидејќи вчера дознавме дека Копа Америка има поголема вредност од Европското првенство и Лигата на шампиони.
Не е важно ниту тоа што на листата на ФИФА, Јужна Америка има само пет репрезентации во Топ 20. Не е важно која лига е најтешка, очигледно е дека Уругавј, Парагвај, Чиле, Боливија, Еквадор, Колумбија и Бразил едно ниво погоре од Ливерпул, Баерн, Атлетико, Белгија, Англија или Шпанија“, пишува „Марка“.
„Титулите на Меси помалку вредат од титулите на Жоргињо. Меси постигна помалку голови од Левандовски, а немаше влијание врз тимот какво што имаше Карим Бензема. Што е следно? Во 2022 година најдобриот играч на Африканскиот куп да биде награден со Златна топка. Во ред е но има еден проблем. Меси не игра во тоа натпреварување“.
Лионел Меси ја освои Златната топка со 33 гласа повеќе од Левандовски.
