Софтверот беше достапен во бета верзија во последните неколку месеци, но сега е подготвен за секојдневна употреба.
Традиционално, „Apple“ најави нова верзија на „macOS“ на конференцијата „WWDC“ во јуни, а новитетите вклучуваат можност за поставување „Mac“ за „AirPlay“ да може да работи содржина од „iPhone“ и „iPad“, како и софтверот „Shortcuts“. Меѓу другото, подобрени се и апликациите „FaceTime“ и „Quick Note“.
Се чини дека некои од најголемите иновации како „Universal Control“ и „SharePlay“ на почетокот нема да бидат достапни, но корисниците ќе ги добијат малку подоцна во оваа есен.
„Universal Control“ обезбедува „drag – drop“ опција за пренос на датотеки помеѓу неколку различни уреди и нуди можност за контрола на повеќе уреди на „Apple“, вклучувајќи „Mac“, „MacBook“ и „iPad“, со истото глувче и тастатура.
„SharePlay“ ќе ви овозможи да уживате во музика, ТВ серии, филмови и повеќе за време на разговорите со „FaceTime“. Откако ќе биде достапна, оваа функција ќе може да се користи со „Apple Music“, „Apple TV +“ и неименувани „популарни услуги од трети страни“.
Прелистувачот „Safari“ претрпе редизајн и сега користи потрадиционален интерфејс наместо контроверзниот нов дизајн претставен на „WWDC“. Корисниците, меѓу другото, се пожалија дека промените им ја отежнуваат работата и дека им е тешко да утврдат кој таб е моментално активен.
Уредите што го поддржуваат „Monterey“ се „iMac“ (крајот на 2015-та година и понови), „iMac Pro“ (2017-та и понови), „Mac Pro“ (крајот на 2013-та година и понови), „Mac Mini“ (крајот на 2014-та година и понови), „MacBook Pro“ (почетокот на 2015-та година и понови), „MacBook Air“ (почетокот на 2015-та година и понови) и „MacBook“ (почетокот на 2016-та година и понови).
За да го инсталирате „Monterey“, треба да ги направите следните чекори: „System Preferences“ – „Software Update“ (или да се внесе „Software Update“ во „Spotlight“). Откако ќе се појават информациите дека „Monterey“ е достапен за инсталација, потребно е да кликнете на копчето „Upgrade Now“ за да започне процесот на инсталација.
