петок, 9 декември 2022
ПочетнаСПОРТБИЗНовиот премиерлигаш Брентфорд го шокираше „разболениот“ Арсенал

Новиот премиерлигаш Брентфорд го шокираше „разболениот“ Арсенал

Отварањето на новата сезона во Премиер лигата беше вистински кошмар за Арсенал, откако „топчиите“ загубија со 2:0 на гостувањето кај Брентфорд, кои првпат играат во Премиер лигата, а исто така ја играат првата прволигашка сезона по 73 години.

Лошата вест за Арсенал дојде и пред стартот на мечот, кога менаџерот Микел Артета ги изостави од тимот Пјер-Емерик Обамејанг и Александер Лаказет откако двајцата се „разболеле“, иако играа на мечевите од пред-сезоната, и во нападот стартер беше младиот Фоларин Балогун, кој дебитира во Премиер лигата, покрај Никола Пепе, Емил Смит Роу и Габриел Мартинели.

На „Комјунити“ стадионот во Брентфорд, пак, беа гладни за премиерлигашки фудбал и за победа, и „пчелите“ дојдоа во водство во 22. минута преку Шпанецот Серхи Канос. Теренската иницијатива на Арсенал не се исплатеше и во 74. минута од мечот, Данецот Кристијан Ногард стави точка на натпреварот со вториот гол.

НАЈНОВИ ВЕСТИ

ХОРОСКОП