Белгискиот фудбалски напаѓач Ромелу Лукаку повторно е играч на лондонски Челси. Тој се враќа на „Стемфорд Бриџ“. Тој во првиот ангажман кај „сините“ одигра само 15 натпревари, но не постигна гол.
Челси на Интер за неговиот ангажман му плати 115 милиони евра – рекодна сума за играч од Серија А.
Платата на Белгиецот ќе е 12 милиони евра годишно, без бонусите. Потпиша петгодишен договор.
„Среќен и благословен сум што се враќам во овој прекрасен клуб. Јас сум навивач на Челси од дете. Челси перфектно се вклопува во моите амбиции, а доаѓам откако ја освоив Серија А и оваа шанса доаѓа во вистинско време, па сега може да имаме многу успех заедно“, рече тој.
Големата финансиска криза што го погоди Интер е причината, по тренерот Антонио Конте, да си замине и Лукаку, но и Ашраф Хакими (за 60 милиони евра се пресели во ПСЖ).
Челси оваа година заработи 35 милиони евра, најмногу (29,2 милиони евра) од продажбата на Фикајо Томори во Милан.
Лондонскиот клуб, кој минатата сезона ја освои титулата во ЛШ во трите последни преодни рокови, донесе засилувања за повеќе 362 милиона евра.
