Грција од утре воведува нови мерки во борбата против коронавирусот, а меѓу нив има и задолжителна вакцинација за работниците во одредени сектори, како и нови ограничувања за затворените објекти. Што треба да знаете ако патувате во оваа земја?
Грчката влада донесе одлука за воведување на задолжителна вакцинација за здравствените работници и персоналот во домовите за стари лица, објави премиерот Киријакос Мицотакис.
Од 1 септември вакцинацијата ќе биде задолжителна за здравствените работници, а вработените во домовите за стари лица треба да се вакцинираат најдоцна до 16 август. Оние кои не се вакцинирани ќе бидат привремено суспендирани од работа, предупреди Мицотакис.
Грците, исто така, планираат од вторник да вакцинираат млади луѓе на возраст од 15 до 17 години со вакцината Фајзер.
Од 16 јули па натаму, само вакцинираните лица ќе можат да влегуваат во затворени простории како што се театри, спортски сали и забавни простории. Ресторани, кафулиња и затворени барови нема да дозволат влез на оние кои не биле вакцинирани. Искористеноста не смее да биде поголема од 85 проценти.
Постојат и има дополнителни правила во врска со забавните и рекреативните места кои стапуваат на сила на 16 јули.
Само гостите кои седат можат да бидат услужени до 31 август. Ниту една форма на забава не е дозволена во стоечка положба.
Само вакцинирани лица можат да присуствуваат на спортски настани, или можат да се одржуваат на отворено и со капацитет од 80 проценти. Не смее да има повеќе од 25.000 гледачи на отворено и 8.000 во затворено.
Сопствениците на ресторани и кафулиња на отворено можат да изберат дали сакаат да примаат само вакцинирани или да бидат како мешовит простор.
Фестивалите на отворено се дозволени само ако седат гости и се почитуваат правилата за социјално дистанцирање и дозволениот капацитет.
Работодавците во приватниот или јавниот сектор имаат право да прашаат дали вработен е вакциниран. Вакцинираните лица во вооружените сили ќе имаат право на петдневно отсуство.
Министерот за развој и инвестиции Адонис Георгијадис рече дека влезот во затворени простории е дозволен со доказ за вакцинација. Тој додаде дека на малолетници (на возраст под 18 години) ќе им биде дозволено да влегуваат во затворени простории со негативен тест за коронавирус.
Министерот за дигитално управување Киријакос Пиеракакис рече дека сопствениците на ресторани и други компании ќе може да преземат апликација со која ќе проверат дали се точни информациите за здравствениот / вакциналниот статус на гостите. Апликацијата Covid Free GR ќе биде бесплатна и достапна во онлајн продавниците за апликации за телефони и таблети.
Тој повтори дека оние кои не ги почитуваат мерките може да бидат казнети со парична казна – од 2.000 до 10.000 евра – но и со губење на лиценцата за работа.
