Англиската јавност удри по селекторот Герет Саутгејт, по поразот на пенали од Италија, во финалето на Европското првенство. Англија, на Вембли, пеналите ја оставија без европската титула, Италија победи со 3:2, откако по 120 минути играша резултатот беше 1:1.
Саутгејт, во последната минута од продолженијата на теренот ги внесе Маркус Рашфорд и Џејдон Санчо. Идните соиграчи во Манчестер јунајтед и Букајо Сака, не успеаја да погодат од белата точка.
„Вината е моја. Според она што го работевме на тренинзите се решив кој ќе шутира во пенал серијата. Двајца од нив влегоа непосредно пред пеналите. Ги следевме подолг период како работат и што прават во клубовите. Тој процес ни успеа на Светското првенство во Русија и во Лигата на нации, сега за жал не беше така. Сака е супер момче. Популарен е во репрезентацијата. Имаше неверојатен турнир и стана ѕвезда. И понатаму ќе биде ѕвезда. И во финалето беше одличен. Мораме да го поддржиме и да му помогнеме“, заклучил Саутгејт.
