Украинскиот шампион Шахтјор Донецк го купи Бразилецот Бернард од Атлетико Минеиро за 25 милиони евра, соопштија од клубот. Договорот на Бразилецот со Шахтјор е за пет години.
Бернард е 21-годишен играч од средниот ред кој му помогна на Атлетико Минеиро да ја освои Копа Либертадорес и беше дел од тимот на Бразил во Купот на Конфедерации во јуни.
За неговите услуги интерес пројавија уште неколку клубови од Европа, помеѓу кои Арсенал, Тотенхем, Шахтјор и Порто.
Играчот преферираше преселба во Порто, но највисока понуда до Атлетико Минеиро испрати Шахтјор.
Оваа недела играчот пристигна во Доњецк, и иако беше најавено дека Бернард сака само да добие подобра слика за шампионот на Украина, фудбалерот денеска стави потпис на петгодишен договор.