Креаторите на страницата money.co.uk имаа за задача да спроведат студија на тема „најздравиот град на светот“.
Се разбира, земен е во предвид и факторот што ги услови животите на сите нас веќе некое време, се разбира, зборуваме за пандемијата Ковид-19.
Од друга страна, беа разгледани следниве параметри: нивото на дебелина на граѓаните, очекуваниот животен век, трошоците на живот, нивото на загадување, безбедноста, просечниот број на часови сонце.
По деталните пресметки, беше постигната врвна листа од 20 градови, а победник е неочекувано, Валенсија во Шпанија.
Медитерански начин на живот, идеална трпеза и клима, со одлична географска положба, што овозможува мало загадување, го прават овој град најздрав за престој во моментов.
Она што ги израдува сите шпанци е што нивниот главен град Мадрид зазеде високо второ место, а овој резултат не ги изненади многумина.
Имено, жителите на оваа земја се водат од мотото – работи за да живееш, а не обратно. На тој начин постигнуваат рамнотежа и имаат активен животен стил, во кој наоѓаат време за дружење и одмор.
По нив следуваат Лисабон, Виена и Канбера, а најблизок град до нас е Љубљана, која се позиционираше на високото 9-то мести и романскиот Клуж на 16-то место.
Погледнете ја листата на топ 20 најздрави градови во светот
- Валенсија, Шпанија
- Мадрид, Шпанија
- Лисабон, Португалија
- Виена, Австрија
- Канбера, Австралија
- Тел Авив, Израел
- Токио, Јапонија
- Хаг, Холандија
- Jубjана, Словенија
- Цирих, Швајцарија
- Аделаида, Австралија
- Хаифа, Израел
- Порто, Португалија
- Рејкјавик, Исланд
- Темишвар, Романија
- Клуж, Романија
- Хелсинки, Финска
- Бурса, Турција
- Бризбејн, Австралија
- Копенхаген, Данска