Првиот светски рекет, Новак Ѓоковиќ, купи вила во Марбеља во Шпанија, за која издвои неверојатни 10 милиони евра.
Во последно време, српскиот тенисер и светски рекет број еден поминува сè повеќе време во Марбеља, каде често се подготвува за турнири.
Тој досега ја изнајмувал оваа вила, а пред неколку месеци започнал процес на купување што навистина и се допаѓа на неговата сопруга Јелена.
Првите денови од пандемијата на коронавирусот во месец март, Ѓоковиќ ги поминаа во вилата, а првиот тенисер во светот објави видеа од тренинг со неговата сопруга и играње тенис во дворот.
Вилата се наоѓа на прекрасна локација опкружена со планини и со прекрасен поглед на море. Се состои од девет соби во главната куќа и две во куќата за гости, како и осум бањи, теретана и просторија за забава со билјард, пинг-понг и домашно кино.
Ѓоковиќ има и спа центар на новиот имот и огромен двор со базен и тениско игралиште. Најспектакуларна е терасата, која нуди неверојатен поглед на морето.
Кога ќе има потреба, Ѓоковиќ може да стигне во центарот на Марбеља за само пет минути.
Погледнете неколку слики од вилата