Бурниот деловен свет не остава многу можност и време за прекумерно размислување за одлуките. Напротив, се чини дека одлуките се носат сè повеќе и повеќе непромислено. Сепак, дали е тоа правилно и колку влијае на вашата деловна активност?
Најбогатиот човек на светот го опиша начинот на кој тој донесува одлуки во својата нова книга „Invent and Wander“. Основачот на Амазон, Џеф Безос, во моментов поседува богатство од 181,4 милијарди долари, а неговата компанија напредуваше можеби повеќе од кога било оваа година.
За почеток, Безос изјавува дека добар сон е неопходен за нормално функционирање наутро, па затоа никогаш не се откажува од осум часа спиење. Иако некои бизнисмени се „фалат“ дека спијат само четири или пет часа, овој Американец не е меѓу нив.
Како што вели, тој сака да појадува со децата пред да одат на училиште, а не сака да проверува меилови само што ќе ги отвори очите. Од таа причина, тој утврди дека неговите деловни состаноци започнуваат во десет. До 17 часот, како што вели, повеќе не може да размислува за спорни прашања, па затоа предлага нов обид утре во десет.
„Претпочитам спиење освен ако не патувам во различни временски зони. Понекогаш е невозможно да спијам цели осум часа, но јас сум многу фокусиран да добијам осум часа секогаш кога можам. Мислам подобро, имам повеќе енергија и расположението ми е подобро“, наведува тој.
Со оглед на тоа што тој е основач и сопственик на голем бизнис, и плус е најбогатиот човек на светот, Безос изјавува дека неговата работа е да донесе мал број на високо квалитетни одлуки.
„Како висок извршен директор, за што навистина сте платени? За донесување на мал број одлуки со висок квалитет. Не е ваша работа да носите илјадници одлуки секој ден“, напиша Безос.
Она што е интересно е дека Безос донесува одлуки дури три години однапред и не повеќе од три одлуки на ден.
Како да донесувате одлуки?
Како што открива, во моментов размислува за 2023 година и ги советува и другите да го сторат истото.
„Треба да размислувате две или три години однапред, и ако веќе сте размислувале така, зошто би донеле сто одлуки денес. Ако донесеме, приближно, три добри одлуки на ден, тоа е доволно и тие треба да бидат со многу висок квалитет “, наведува Безос и потсетува дека друг милијардер Ворен Бафет исто толку е успешен затоа што носи три многу добри одлуки, но на годишно ниво.
„Јас навистина верувам во тоа“, вели Безос.
Како што објаснува најбогатиот човек на светот, постојат два вида на одлуки, оние чии последици се неповратни, т.н. еднонасочни и оние што можат да се коригираат, двонасочни.
„Можете да носите одлуки и да преземете чекори. Ако се покаже дека одлуката е погрешна, можете да направите резервација. Сепак, во големите корпорации тоа може да направи катастрофа. Кога постои одлука која треба да ја донесете, запрашајте се „Дали одлуката е еднонасочна или двонасочна?“ Ако е двонасочна одлука, разговарајте за тоа со мал тим, па дури и само со една личност. Ако е погрешна, погрешна е. Вие тоа ќе го промените. Но, ако одлуката е еднонасочна, анализирајте ги на неколку начини“.
Во тимот секогаш постојат оние ЗА и оние ПРОТИВ
Друг важен фактор во донесувањето одлуки е тимот.
Според него, донесувањето одлука може да го забрза фактот што во тимот има и такви кои се за и против.
„На сите им е грижа, а процесот на донесување одлуки лесно може да стане војна до исцрпување. Кој е најизджлив, ќе ја добие другата страна, тој со спротивното мислење, едноставно ќе се откаже “, вели Безос и додава:
„Тоа е најлошиот процес на донесување одлуки во светот. Тоа остава сè деморализирано и вие добивате случајни резултати. Многу е подобар пристап за постарите и помладите вработени да дискутираат за одлуките заради различните ставови “.
Помислете на овој начин на донесување одлуки, особено затоа што тоа е начинот на најбогатиот човек на светот. И, ако досега ваши примери биле луѓе кои сметаат дека е губење време, или донесуваат десетици одлуки дневно – поврзани со работата, можеби е време да ја преиспитате таа перспектива.
