Капитенот на Барселона, Лионел Меси зборуваше откако неговиот тим загуби од Атлетико Мадрид со 2:3 во полуфиналето на шпанскиот Супер куп. Аргентинецот изедначи на 1:1, по што Гризман ги доведе во водство Каталонците. Сепак, еден гол од пенал на Мората и доцен гол на Анхел Кореја го донесе успехот на „јорганџиите“.
– Не заслуживме да изгубиме. Игравме одлично, се чувствувавме подобро, подобро отколку во последно време. Ние ја контролиравме средбата, напаѓавме цело време. За 10 минути те направија пресврт во мечот. Ние направивме чекор напред и покрај поразот, изјави разочараниот Меси.
– Ќе работиме за да се подобриме. Во последно време не игравме најдобро и треба да ја вратиме добрата игра. Сепак, ние сме лидери во Ла Лига. Тешко е да се изгуби, но ние игравме добро и немавме среќа да стигнеме до победа. Бевме подобри скоро целиот натпревар, но на крајот, тимот што постигнува голови – победува. Искрено или нечесно, изгубивме. Направивме детски грешки и практично им ги подаривме головите, додаде Аргентинецот.
Во финалето на Суперкупот ќе играат екипите на Реал Мадрид и Атлетико Мадрид. Натпреварот е во недела од 19 часот по македонско време.
