Легендарниот моден дизајнер Џорџо Армани стана сопственик на целиот последен спрат на историската зграда на Менхетен со поглед на њујоршкиот Централ парк.
Според Wall Street Journal, 85-годишната модна икона има близу 300 квадратни метри простор, во кој има четири спални соби и четири купатила.
Цената на пентхаусот е 17,5 милиони долари, а претходен сопственик беше Џон Леџер од T-Mobile.
Апартманот од 1929 година беше на продажба од февруари 2018 година.
Дизајниран од познатата архитектонска компанија “Шварц енд Грос”, a редизајниран од “Шелтон Миндел”. Апартманот е во нео-ренесансен стил со елементи на бозара.
Високите тавани и мозаиците на прозорците му даваат на просторот црковен изглед, а за тоа дополнително допринесуваат и античките лустери и вградени полици.
Меѓу многуте удобности на станот се и консиержот, фитнес центарот, игротеката за деца, перална и магацин, а посебен аспект на приказната е историјата на овој простор.
Според некои извештаи, станот некогаш бил во сопственост на магнатот Вилијам Рандолф Херст и неговата сопруга Мерион Дејвис. Архитектот на Леџер, Ли Миндел, наводно, ги пронашол нејзините иницијали врежани во каминот, како и портрет на жена која личи на Дејвис.
