Widgetized Section

Go to Admin » Appearance » Widgets » and move Gabfire Widget: Social into that MastheadOverlay zone

ALK 12,297.39 -2.41%    BESK 7,275.00 -3%    FERS 74,000.00 -1.33%    GRNT 1,058.24 -3.57%    KMB 7,028.44 -2.75%    KVAS 15,850.00 -1.55%    MPT 71,862.62 -2.6%    RZLV 40.00 0%    STB 1,151.00 -4.46%    TKVS 5,549.00 -0.02%    TNB 17,741.83 -2.48%    UNI 2,200.00 0.02%    ZUMS 1,000.00 100%    

НБРМ: Растот на БДП за првата половина од годината изнесува 3,6%

Време: 12:12

Датум: октомври 9, 2019

Категорија: ЕКОНОМИЈА

На 8 октомври 2019 година, Комитетот за оперативна монетарна политика на Народната банка ги разгледа клучните показатели за домашната економија и движењата на меѓународните и на домашните финансиски пазари, во контекст на поставеноста на монетарната политика.

Комитетот оцени дека монетарната поставеност е соодветна на постојните економски и финансиски услови и дека економските фундаменти и натаму се здрави, без присуство на нерамнотежи во економијата. Ниската и стабилна инфлација и поволната позиција на билансот на плаќања, од почетокот на годината, редовно придонесуваат за интервенции со откуп на девизи од страна на Народната банка на девизниот пазар. Динамиката и валутната структура на штедењето на домаќинствата упатува на стабилни очекувања. Во вакви услови, на седницата на Комитетот беше одлучено каматната стапка на благајничките записи да се задржи на нивото од 2,25% и на аукцијата на благајнички записи на 9 октомври 2019 година да се понудат благајнички записи во износ од 25.000 милиони денари, односно ист износ како износот којшто достасува.

Во однос на најновите макроекономски показатели за домашната економија, растот на БДП во првата половина од годината, според објавените проценети податоци, изнесува 3,6%. За третиот квартал од годината, обемот на расположливи податоци е ограничен. Засега, расположливите високофреквентни показатели за периодот јули ‒ август главно упатуваат на натамошен раст на економската активност, при засега поповолни поместувања во индустријата, трговијата и градежништвото, во однос на претходното тримесечје.

Остварената просечна годишна стапка на инфлација за првите девет месеци од годинава изнесува 1,0%, при што растот на цените е помал од очекуваниот. Воедно, очекувањата за движењето на странските цени, коишто влијаат врз домашните цени, се главно надолно ревидирани. Следствено, ризиците во однос на проекцијата на инфлацијата за 2019 година од 1,5% засега се оценуваат како претежно надолни.

Што се однесува до показателите од надворешниот сектор, расположливите податоци за билансот на плаќања за првата половина од годината покажуваат подобри остварувања, и кај тековните, и кај финансиските трансакции, во однос на априлската проекција. Во однос на податоците за третото тримесечје, остварувањата на менувачкиот пазар заклучно со втората декада на септември упатуваат на можност за остварување малку повисоки нето-приливи од приватни трансфери во однос на проектираните за третиот квартал. Податоците за надворешнотрговската размена заклучно со јули и август посочуваат на можен поголем трговски дефицит од очекуваниот за третиот квартал, согласно со априлската проекција. Девизните резерви на крајот на септември се повисоки во однос на крајот на 2018 година, при што сите показатели за нивната адекватност и натаму се во сигурната зона.

Во однос на движењата кај вкупните депозити и вкупните кредити, првичните податоци за септември покажуваат нивен натамошен раст на годишна основа, согласно со очекуваната патека во рамки на априлските проекции.

Во периодот меѓу двете седници на Комитетот, ликвидноста на банките се зголеми, главно како резултат на интервенциите за откуп на девизи на девизниот пазар од страна на Народната банка. Конкретно во септември, Народната банка откупи 124,7 милиони евра, во услови кога банките трет месец по ред остваруваат нето-откуп на девизи во трансакциите со нивните клиенти. Високиот месечен износ врз основа на интервенции во еден дел беше остварен во услови на зголемена нето-понуда на девизи од нерезиденти. Покрај овие движења, за високиот месечен износ на интервенции на Народната банка придонесе и активниот пристап на управување со девизната ликвидност од страна на банките, со оглед на негативните приноси на меѓународните финансиски пазари. Откупот на девизниот пазар продолжи и на почетокот на октомври, при што збирно од почеток на годината заклучно со 7 октомври, Народната банка има откупено 366,45 милиони евра.

Во услови на висока денарска ликвидност во банкарскиот систем, банките имаа умерена потреба за задолжување на меѓубанкарскиот пазар на депозити. Следствено, тие и натаму го насочуваат вишокот слободни денарски парични средства кон расположливите депозити кај Народната банка, коишто овозможуваат висока флексибилност и достапност на средствата за непречено кредитирање на домашните субјекти.

На меѓународните финансиски пазари, во септември беше забележана умерено повисока склоност кон преземање ризик од страна на инвеститорите, главно заради зголемениот оптимизам за решавање на трговскиот спор помеѓу САД и Кина по заемното привремено олабавување на царинските бариери. Најголемите централни банки презедоа мерки за олабавување на монетарните политики, коешто сепак од страна на пазарните учесници беше согледано како помалку експанзивно од очекувањата, што заедно со зголемениот интерес за повисокоризични хартии од вредност доведе до повисоки приноси на државните обврзници од двете страни на Атлантикот. ЕЦБ најави пакет експанзивни мерки насочени кон поддршка на економијата на еврозоната, меѓу кои е и намалувањето на депозитната каматна стапка за 10 базични поени на нивото од -0,5%, како и започнувањето на програмата за откуп на хартии од вредност на 1 ноември, во износ од 20 милијарди евра месечнo. Воедно, беше наведено дека каматните стапки ќе се задржат на тековното или на пониско ниво, сè додека  не се увиди силна конвергенција на стапката на инфлација до ниво од близу до, но под 2%. На состанокот на ФЕД, како што се очекуваше, целното ниво на движење на референтната каматна стапка беше намалено за 25 базични поени, во распон од 1,75% до 2%.  Притоа, беше соопштено дека ова намалување се смета за доволно за натамошното одржување на економската експанзија.

Општо земено, на седницата на Комитетот беше утврдено дека последните макроекономски показатели и оцени упатуваат на одредени отстапувања во однос на проектираната динамика, но согледувањата за амбиентот за спроведување на монетарната политика се главно непроменети во однос на претходната оцена. Притоа, повторно се укажа на неповолните ризици од надворешното окружување, коишто се понагласени во споредба со периодот на изготвување на априлските проекции. Народната банка и во следниот период внимателно ќе ги следи трендовите и потенцијалните ризици, во контекст на поставеноста на монетарната политика.

КОМЕНТАРИ

НАЈНОВО ОД КАТЕГОРИЈАТА

  • На 2. март на полноќ сите оператори во државата ќе прекинат со реемитување на домашните и странски тв канали, освен на јавниот сервис

    На 2. март на полноќ сите оператори во државата ќе прекинат со реемитување на домашните и странски тв канали, освен на јавниот сервис

    Здружението на информатичко-комуникациските технологии, кое ги обединува сите оператори, донесе заклучок да го прекине реемитувањето на сите домашни и странски ТВ канали на 2 март…

  • ЕУ ги враќа заменливите батерии на паметните телефони?

    ЕУ ги враќа заменливите батерии на паметните телефони?

    Претходно, имаше многу компании кои создадоа паметни телефони со заменливи батерии. Тоа значи дека во случај батеријата да ослабе и повеќе не држи како што…

  • Хонг Конг – Седум милиони луѓе ќе добијат по 1.280 долари

    Хонг Конг – Седум милиони луѓе ќе добијат по 1.280 долари

    Хонг Конг на своите граѓани ќе им подели по 1.280 долари за да ги намали последиците од економската криза. Азискиот финансиски центар соопшти дека мерката…

  • Негативен резултатот на сомнителната пациентка со корона

    Негативен резултатот на сомнителната пациентка со корона

    Негативен е резултатот за присуство на корона вирус кај пациентката за која постоеше сомнеж, а која е една од двата дополнителни случаја што беа тестирани…

  • Дигитализирани услугите на Агенцијата за вработување

    Дигитализирани услугите на Агенцијата за вработување

    Петте најбарани документи од Агенцијата за вработување од денеска по електронски пат им се достапни на граѓаните. Единствено што треба да направат е да се…

  • Кина се надева дека ќе воспостави контрола на епидемијата до крајот на април

    Кина се надева дека ќе воспостави контрола на епидемијата до крајот на април

    Експерт од Националната комисија за здравство на Кина изјави дека земјата ќе воспостави основна контрола на епидемијата на коронавирусот до крајот на април, бидејќи вчера…

  • Царината наплатила 1,4 милијарди евра

    Царината наплатила 1,4 милијарди евра

    Царинската Управа во 2018 година наплатила вкупно 1,4 милијарди евра приход по основ на сите давачки од компаниите и граѓаните. Годишниот извештај за работа на…

  • Паднати покриви, оштетени фасади и возила синоќа во Скопје (фото)

    Паднати покриви, оштетени фасади и возила синоќа во Скопје (фото)

    Откорнати кровни конструкции, оштетени фасади на објекти, паднати дрвја, оштетени билборди и возила е билансот од силниот ветер што доцна синоќа дуваше во Скопје со…

  • Најбогатите Македонци се побогати – која е Скопјанката која заработи 17,2 милиони евра?!

    Најбогатите Македонци се побогати – која е Скопјанката која заработи 17,2 милиони евра?!

    Најбогатите Македонци стануваат се побогати. Скопјанката која во 2018 година заработила фантастични 17,2 милиони евра ги претрка нејзините колеги од претходните години. Така ако во…

  • Во синоќешното невреме во Скопје ветерот со над 100 километри на час

    Во синоќешното невреме во Скопје ветерот со над 100 километри на час

    Во Скопје ветерот што синоќа дуваше бил со брзина од над 100 километри на час, информира утринава Управата за хидрометеоролошки работи. Силниот ветер откорна дрвја,…