Фудбалерите на шпанскиот гигант Барселона минатата сезона заработиле дури 92 милиони евра од бонуси. Барселона минатата сезона го освои Шпанското првенство и Суперкупот. Во Лигата на шампиони загуби од Ливерпул во полуфиналето, додека во Купот на кралот во финалето загуби од Валенсија.
Фудбалерите на Барселона заработија два милиони евра бонуси повеќе од претходната сезона, и три милиони евра повеќе од 2015 година кога ги освоија ЛШ, шпанското првенство и купот.
Финансискиот извештај открива и дека клубот потрошил 541 милиони евра за трошоци во сите свои спортски тимови, од кои 311,9 милиони евра на тренери и играчи од првиот тим.
